Sunnuflöt 6, Garðabær
Tilboð
Einbýlishús
10 herb.
360,3 m2
Tilboð
Stofur
4
Herbergi
10
Baðherbergi
4
Svefnherbergi
6
Byggingaár
1968
Brunabótamat
110.330.000
Fasteignamat
148.250.000
Sjá allar myndir stórar Teikningar Senda á vin

Lýsing


Fasteignamarkaðurinn ehf. s: 570-4500 kynnir til sölu virkilega glæsilegt, vandað og mikið endurnýjað 360,3 fermetra einbýlishús á frábærum stað niður við lækinn á Sunnuflöt í Garðabæ. Sér 2ja herbergja 64,5 fermetra íbúð í kjallara með sérinngangi. 

Húsið var mikið endurnýjað á árunum 2003 og 2004.  Þá var skipt um öll gólfefni, innihurðir, baðherbergi endurnýjuð, byggt við húsið og bætt við aukaíbúð í kjallara. Skipt var um allt gler og glugga, sem eru ál/tré frá Velfag, skipt um rennihurðir, þakdúk, þakborð og sperrur sem þurfti, einangrun í þaki, þakkant, þakrennur og niðurföll. Á sama tíma var skipt um allar raflagnir og töflur, loft tekin niður og sett innfelld lýsing að stórum hluta í húsið, neysluvatnslagnir endurnýjaðar sem og hitalagnir auk þess sem gólfhiti var settur í mjög stóran hluta hússins.  Lóðin var öll endurnýjuð og brunnar í lóð, innkeyrsla og stéttir hellulagðar með hitalögnum undir og settar verandir úr Lerki og hellulagðar sunnan við húsið. Klóaklagnir innan hússins voru endurnýjaðar, en lagnir undir húsi myndaðar og kom í ljós að þær eru fóðraðar að innan með glerung frá upphafi og voru og eru í góðu ástandi.


Lýsing eignar:
Forstofa, stór, parket- og flísalögð og með fataherbergi innnaf. Úr forstofu er rennihurð við hol og glerveggur að hluta þannig að útsýni út að hrauninu blasir við þegar gengið er inn í húsið.
Gestasnyrting, flísalagt gólf. 
Hol, parketlagt. 
Herbergi, innaf stofum, parketlagt og rúmgott. 
Setustofa, gengið tvö þrep niður úr holi, parketlögð og björt með gólfsíðum gluggum til suðurs, fallegum arni, næturlýsingu í gólfi og innfelldri lýsingu í loft. Gríðarlega fallegt útsýni yfir lækinn og hraunið.
Borðstofa, innaf holi er parketlögð og með gólfsíðum gluggum til suðurs og rennihurð út á stóra og skjólsæla verönd úr Lerki og þaðan niður á hellulagða verönd og lóð.
Eldhús, parketlagt og með eldri uppgerðum hvítum innréttingum með tengi fyrir uppþvottavél, góðum búrskápum og góðri borðaðstöðu.
Bakinngangur, með flísalagðri forstofu og fatahengi.  Er innaf eldhúsi og sjónvarpsstofu á svefngangi.
Þvottaherbergi, innaf forstofu bakinngangs, flísalagt gólf, gluggar, vaskur og ruslalúga. 
Búr, flísalagt og með hillum.
Bílskúr, sem innangengt er í er flísalagður og stór með gluggum til austurs, góðri lofthæð, stórri innkeyrsluhurð með rafmótor á, góðum skápum og rennandi vatni.
Inntaksrými, innaf bílskúr er flísalagt
Sjónvarpsstofa, sem bæði er innangengt í úr holi/borðstofu og úr eldhús um rennihurðir er stór, parketlögð og með útgengi á viðarverönd til suðurs.
Svefngangur, parketlagður og með næturlýsingu í veggjum.
Barnaherbergi I, parketlagt og stórt. 
Barnaherbergi II, parketlagt og mjög stórt með gluggum í tvær áttir til norðurs og suðurs.
Baðherbergi, með gluggum hátt á vegg og rafmótor á opnanlegu fagi, flísar á gólfi og hluta veggja. Baðkar með flísalögn í kring og óbeinni lýsingu, stór flísalögð sturta og handklæðaofn. 
Svefngangur II, parketlagður og gengið inn á hann um tvö þrep og rennihurð úr sjónvarpsstofu. Af svefngangi er útgengi á afgirta hellulagða verönd til austurs og suðurs. 
Barnaherbergi III, parketlagt. 
Hjónaherbergi, parketlagt og stórt með gluggum í tvær áttir og fataskápum á heilum vegg. 
Baðherbergi, innaf hjónaherbergi er stórt og með gluggum í tvær áttir.  Baðherbergið er óinnréttað en búið er að setja gólfhita.

Í kjallara hússins er sér 2ja herbergja 64,5 fermetra íbúð, sem er á neðri hæð viðbyggingar hússins frá árinu 2003-4.
Stofa, paketlögð og björt með gluggum til suðurs og útsýni að hrauni og læki.
Eldhús, opið við stofu, parketlagt og hvítar innréttingar með innbyggðri uppþvottavél og innbyggðum ísskáp. 
Þvottaherbergi/geymsla, innaf eldhúsi er flísa- og parketlagt og með góðum skápum. Lofthæð er 185 cm.
Geymsla, innaf þvottaherbergi er skriðgeymsla undir hluta efri hæðar en rúmar mikið.
Baðherbergi, flísalagt gólf og veggir, vaskskápar og veggskápar, flísalagður sturtuklefi og handklæðaofn.
Svefnherbergi, parketlagt og með fataskápum.

Húsið að utan var verulega mikið endurnýjað á árunum 2003-4. Þá var húsið m.a. allt pússað upp og múrað. Skipt algjörlega um þak yfir bílskúr og að hluta yfir húsinu sjálfu, eins og þurfti auk þess sem settur var nýr þakdúkur á þakið, ný einangrun og ný borð að hluta. Skipt var um þakrennur og niðurföll og settur nýr þakkantur sem er klæddur með áli.  Skipt var um allt gler og glugga, ál/tré frá Velfag og skipt um rennihurðir. Húsið var málað að utan árið 2019. Ástand hússins að utan er því mjög gott. 

Lóðin, er 1.032,0 fermetrar að stærð og stendur alveg niður við "Lækinn og hraunið" og nýtur fallegs útsýnis frá eigninni.  Lóðin var öll endurnýjuð og jarðvegsskipt að hluta árið 2003-4, innkeyrsla og stéttir hellulagðar og lagðar hitalagnir undir.  Nýr gróður settur á lóð, ný verönd úr Lerki til suðurs og ný hellulögð verönd til suðurs.  Neðst á lóðina var settur stór brunnur til að fyrirbyggja flóð úr læknum og hægt er að tengja þann brunn við dælukerfi sem myndi dæla vatni út í götu.

Staðsetning eignarinnar er virkilega góð neðan við götu við opið svæði þaðan sem nýtur mjög fallegs útsýnis.  Stutt er í Flataskóla, Garðaskóla, íþróttasvæði Stjörnunnar, Sundlaug Garðabæjar, verslanir og aðra þjónustu.

Allar nánari upplýsingar veitir Guðmundur Th. Jónsson, lögg. fasteignasali, í síma 570-4500 eða á netfanginu gtj@fastmark.is




Senda fyrirspurn vegna

Sunnuflöt 6

CAPTCHA code


Guðmundur Th. Jónsson
Lögg. fasteignasali