Heiðargerði 78, Reykjavík
74.900.000 Kr.
Einbýlishús
5 herb.
144 m2
74.900.000
Stofur
2
Herbergi
5
Baðherbergi
2
Svefnherbergi
3
Byggingaár
1956
Brunabótamat
45.080.000
Fasteignamat
66.300.000
Sjá allar myndir stórar Teikningar Senda á vin

Lýsing


Eignin er seld og því fellur niður fyrirhugað opið hús.

Fasteignamarkaðurinn ehf. s: 570-4500 kynnir virkilega fallegt, mikið endurnýjað og vel skipulagt 144,0 fermetra, 5 herbergja, einbýlishús á tveimur hæðum á þessum eftirsótta stað við Heiðargerði í Reykjavík. Stór og fallegur garður með rúmgóðri viðarverönd í bakgarði sem snýr til austurs/suðurs.

Eignin hefur fengið gott viðhald í gegnum árin og verið endurnýjuð töluvert. Að sögn eiganda er búið að fóðra skólplagnir undir húsi og út í götu ásamt því að raflagnir hafa verið endurnýjaðar (dregið í og skipt um rafmagnstöflu). Þak og þakkantur var endurnýjað árið 2018 þar sem skipt var um allt timbur sem var komið á tíma, dúk, járn og þakrennur. Nýlega er búið að klára múrviðgerðir á suður, austur og norðurhlið hússins og mála suður og austurhlið. Allir gluggar voru málaðir sumarið 2019. Þá er búið að flota stofur, eldhús og gang og skipta um gólfefni í þeim rýmum. Einnig er nýlegt teppi á stiga og holi efri hæðar. Baðherbergi efri hæðar var endurnýjað fyrir u.þ.b. 8 árum síðan. Ný svalahurð og gler er í hjónaherbergi. Bílskúr hefur verið endurnýjaður að öllu leyti og má þar nefna þak, útveggir, einangrun, gólf, bílskúrshurð o.fl.


Lýsing neðri hæðar:
Forstofa: Er rúmgóð með marmara á gólfi, góðum skápum, aukinni lofthæð og gluggum til suðausturs. Falleg glerhlið á suðausturshlið hússins með útgengi á baklóð.
Gestasnyrting: Með marmara á gólfi, salerni, vask og glugga til norðvesturs.
Hol: Með parketi á gólfi. Gengið upp fallegan teppalagðan viðarstiga úr holi á efri hæð hússins. Lítil geymsla undir stiga. Einnig inngengt í eldhús og stofu frá holi.
Eldhús: Með parketi á gólfi og fallegri viðar eldhúsinnréttingu. Stór AEG stál gaseldavél, tengi fyrir uppþvottavél og gluggar til norðvesturs. Gengið er niður í kjallara frá eldhúsi.
Borðstofa: parketi á gólfi og gluggum til norðausturs og suðausturs. Borðstofa er opin við stofu.
Stofa: Er rúmgóð með parketi á gólfi og gluggum til suðausturs og suðvesturs.

Lýsing efri hæðar: Grunnflötur efri hæðar er stærri en uppgefnir fermetrar þar sem nokkur hluti er undir súð.
Gengið upp á efri hæð úr holi neðri hæðar: Viðarstigi með teppi og stórum gluggi til norðvesturs.
Hol: Með teppi á gólfi. Gengið inn í öll rými efri hæðar frá holi. Bekkur með hirslum undir gluggi til norðvesturs.
Hjónaherbergi: Er rúmgott með parketi á gólfi og góðun skápum. Gluggar til norðausturs og útgengi á svalir.
Svefnherbergi: Er stórt með parketi á gólfi. Var sameinað úr tveimur svefnherbergjum og er einfalt að breyta til fyrra horfs. Gluggar til suðausturs og suðvesturs.Góðir súðaskápar eru í herbergi.
Baðherbergi: Var endurnýjað fyrir u.þ.b. 8 árum síðan. Flísar á gólfi og hluta veggja, baðkar með sturtutækjum, handklæðaofn og falleg hvít innrétting við vask. Gluggi til suðvesturs.

Kjallari:
Gengið er niður í kjallara frá eldhúsi. Viðarstigi. Flísalögð sturta og þvottaaðstaða. Tengi fyrir þvottavél og þurrkara ásamt vinnuborði. Kjallari nýtist einnig sem geymsla og með glugga til norðvesturs.

Bílskúr: Hefur allur verið endurnýjaður á vandaðan máta árið 2004. Að sögn eiganda er búið að endurnýja þak, útveggi, einangrun, gólf (flotað og málað), bílskúrshurð o.fl. Epoxy málað gólf, vinnuborð og gluggar til suðvesturs. Inngangshurð frá suðvesturhlið bílskúrs. Rafmagnshurðopnari er til en hefur ekki verið settur upp. Þá hefur rafmagn verið endurnýjað og er rafmagnshitun innan bílskúrs. 

Lóðin: Er stór eða 486,0 fermetrar að stærð, frágengin með hellulögn fyrir framan hús og stæði norðaustan megin við hús. Rúmgóð verönd er á baklóð sem snýr til suðurs og austurs. Falleg kvöldlýsing við verönd. Útgengi úr forstofu á verönd. Öll baklóðin er afgirt og tekur við tyrfð lóð þar sem verönd hættir. Virkilega fallegar plöntur og trjágróður.

Frábær staðsetning á skjólgóðum og rólegum stað í lokuðum botnlanga við Heiðargerði í Reykjavík. Stutt er í alla verslun og þjónustu, leikskóla og grunnskóla. 

Allar nánari upplýsingar veitir Heimir Hallgrímsson hdl. og lögg. fasteignasali í síma 570-4500 eða á netfanginu heimir@fastmark.is




Senda fyrirspurn vegna

Heiðargerði 78

CAPTCHA code


Heimir Fannar Hallgrímsson
Hdl. og lögg. fasteignasali