Sólheimar 15, Reykjavík
96.900.000 Kr.
Hæð
6 herb.
221,4 m2
96.900.000
Stofur
3
Herbergi
6
Baðherbergi
2
Svefnherbergi
3
Byggingaár
1986
Brunabótamat
65.300.000
Fasteignamat
74.900.000
Sjá allar myndir stórar Teikningar Senda á vin

Lýsing


Fasteignamarkaðurinn ehf. s: 570-4500 kynnir til sölu virkilega glæsilega, bjarta og vel skipulagða 187,6 fermetra efri sérhæð í nýlegu og vönduðu þríbýlishúsi auk 33,8 fermetra bílskúrs undir húsinu. Fallegt og vandað gegnheilt eikarparket er á íbúðinni að stærstum hluta, lagt með fiskibeinamynstri og er það nýlega slípað og lakkað.  Fyrirhugað fasteignamat eignarinnar árið 2020 er kr. 79.450.000.-

Íbúðin er virkilega opin, björt og glæsileg og lofthæð er mikil í nánast allri íbúðinni, eða allt að 4,0 metrar og innfelld lýsing er í loftum, gluggar efst á milliveggjum sem auka mjög flæði á birtu milli rýma.  Innréttingar í öllum rýmum eru sérsmíðaðar og sami stíll látinn halda sér gegnum íbúðina (eldhús, bæði baðherbergi, þvottahús, svefnherbergi og innréttingar í bílskúr).


Svalir útaf stofum til suðurs og útaf stigapalli til vesturs.  Fallegt útsýni út á sjóinn, að Esjunni, Helgafelli og víðar.   Frábær staðsetning á stórri lóð í grónu hverfi þaðan sem stutt er í alla þjónustu og skóla. 

Nánari lýsing: 
Forstofa, flísalögð og með fatahengi og skóskápum.

Gengið er um parkertlagðan steyptan stiga upp á efri hæð..

Stór stigapallur, parketlagður og með útgengi á mjög rúmgóðar svalir til vesturs með viðarklæddu gólfi. Sérsmíðað handrið úr steyptu járni er á stiganum og upp á stigapallinn.  Lúga fyrir sorp er á vegg við svaladyr og innbyggð sorprenna liggur niður í sameiginlega sorpgeymslu á jarðhæð hússins.

Hol, parketlagt og með fataskápum.  
Þvottaherbergi, flísalagt gólf og veggir að hluta, innréttingar og vaskur. 
Gangur, parketlagður og bjartur með birtu frá norðri og suðri. 
Gestasnyrting, flísalagt gólf og veggir og góðar innréttingar.  Væri mögulegt að setja sturtu í gestasnyrtingu. 
Eldhús, mjög stórt og bjart með stórri borðaðstöðu, fallegum stórum útbyggðum glugga með ofanbirtu og fallegu útsýni til austurs og norðurs. Í eldhúsi eru virkilega fallegar hvítar + viðarinnréttingar með flísum á milli skápa, háum búrskápum sem ná yfir heilan vegg, innbyggðri uppþvottavél og eyju.
Samliggjandi stofur, mjög stórar, bjartar og parketlagðar með fallegum arni.  Úr stofum er útgengi á svalir til suðurs með viðarklæddu gólfi. Fallegur hringlaga gluggi er til suðurs úr stofum og ber fallega birtu inn í íbúðin.
Sjónvarpsstofa, parketlögð og stór með sérsmíðuðum hillum á vegg.  Í enda sjónvarpsstofunnar er fallegur og stór útbyggður gluggi með ofanbirtu og útsýni til norðurs auk hringlaga glugga ofarlega á vegg sem ber fallega birtu inn í íbúðina.  
Barnaherbergi I, parketlagt og stórt með fataskápum.
Barnaherbergi II, parketlagt og bæði með fataskápum og föstum hillum.
Baðherbergi, með glugga, stórt, flísalagt gólf og veggir, baðkar með sturtuaðstöðu, innréttingar, handklæðaofn og sturtuklefi. 
Hjónaherbergi, rúmgott, parketlagt og með fataskápum á heilum vegg. 

Bílskúr,  er með rafmagni, hita og rennandi heitu og köldu vatni. Sérsmíðaðir háir skápar og innrétting. Rafmótor er á bílskúrshurð.
Rúmgóð geymsla, er innaf bílskúr og er hún með hillum, glugga og útgengi á baklóð hússins út á hellulagða verönd.
Sameiginleg geymsla, er undir útitröppum og er hún nýtt undir garðverkfæri og slíkt.
Sameiginleg sorpgeymsla, er undir útitröppum og er innbyggð sorprenna sem liggur frá íbúð niður í sorpgeymsluna.
Inntaksrými, er sameiginlegt á jarðhæð hússins. 

Hús að utan: virðist vera í góðu ástandi, sem og þakjárn.  Þakrennur og niðurföll voru endurnýjuð árið 2018 og var þakkantur þá einnig yfirfarinn. 

Lóðin er fullfrágengin með hellulagðri innkeyrslu og stéttum fyrir framan húsið með hitalögnum undir og hitalagnir eru einnig í útitröppum sem voru lagfærðar árið 2019.  

Allar nánari upplýsingar og teikningar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is
 




Senda fyrirspurn vegna

Sólheimar 15

CAPTCHA code


Guðmundur Th. Jónsson
Lögg. fasteignasali