Kögunarhæð 3, Garðabær
116.900.000 Kr.
Einbýlishús
7 herb.
247,1 m2
116.900.000
Stofur
3
Herbergi
7
Baðherbergi
1
Svefnherbergi
4
Byggingaár
1992
Brunabótamat
87.150.000
Fasteignamat
87.800.000
Sjá allar myndir stórar Teikningar Senda á vin

Lýsing


Fasteignamarkaðurinn ehf. s: 570-4500 kynnir til sölu virkilega fallegt, vandað og vel skipulagt 247,1 fermetra einbýlishús með innbyggðum 42,7 fermetra bílskúr á grónum og eftirsóttum útsýnisstað á virkilega góðum stað í Garðabæ í grónu hverfi.   

Húsið er nánast allt á einni hæð en á efri hæð er stór stofa með gríðarlega fallegu útsýni yfir borgina, að Snæfellsjökli, Bláfjöllum og víðar og útgengi á rúmgóðar svalir til suðurs.  Húsið er teiknað af Kjartani Sveinssyni og byggt árið 1992.

Mögulegt væri að gera rúmlega 40 fermetra aukaíbúð í bílskúr þar sem tengi er þar fyrir baðherbergi.


Lýsing eignar:
Forstofa, rúmgóð, flísalögð með góðum fataskápum og skóskápum.
Barnaherbergi I, innaf forstofu er parketlagt.
Hol, flísalagt, bjart og rúmgott. 
Svefngangur, parketlagður og breiður.
Barnaherbergi II, parketlagt og rúmgott með fataskápum.
Barnaherbergi III, parketlagt og rúmgott. 
Hjónaherbergi, parketlagt, stórt og bjart með gluggum í tvær áttir og miklum fataskápum á heilum vegg. 
Baðherbergi, rúmgott með glugga og flísalagt gólf og veggir.  Bæði flísalögð sturta og baðkar. Góðar innréttingar með quartz á borðum.
Borðstofa, við hol, er flísalögð, björt og rúmgóð og þaðan er opið við stofu.
Setustofa, gengið niður tvö þrep úr holi, parketlögð, stór og björt með gluggum til suðurs og vesturs og útgengi á lóð til vesturs.
Eldhús, flísalagt, bjart og rúmgott með góðri borðaðstöðu. Í eldhúsi eru fallegar hvítar + viðarinnréttingar með flísum á milli skápa, quartz á borðum að hluta og tengi fyrir uppþvottavél. Gluggar eru í tvær áttir í eldhúsi.
Þvottaherbergi, flísalagt og rúmgott með glugga. Í þvottaherbergi eru góðar innréttingar með vinnuborði þar sem gert er ráð fyrir vaski og miklir fataskápar. Úr þvottaherbergi er útgengi á hellulagða verönd til norðurs og vesturs með rafknúinni markísu yfir að hluta.  

Gengið er upp á efri hæð hússins um steyptan, bjartan og parketlagðan stiga.

Stofa, flísalögð og mjög stór með gluggum í allar áttir og útgengi á rúmgóðar og skjólsælar svalir til suðurs.  Frá stofu á efri hæð nýtur gríðarlega fallegs útsýnis til sjávar, að Reykjanesi, Snæfellsjökli, yfir Garðabæ og Kópavog, að Bláfjöllum og víðar. 

Bílskúr, er mjög rúmgóður með gluggum til norðurs, góðri lofthæð, rafmótor á hurð, rennandi heitu og köldu vatni og lögnum fyrir snyrtingu og sturtu.

Húsið að utan lítur vel út sem og þakjárn, þakrennur, niðurföll og þakkantur.  Gler og gluggar virðast vera í góðu ástandi.

Lóðin er 1.197,0 fermetrar að stærð, fullfrágengin með hellulögðum bílastæðum, innkeyrslu og stéttum sem hitalagnir eru undir að hluta. Að öðru leyti er lóðin að mestu tyrfð og með einhverjum trjágróðri en er fremur auðveld í umhirðu.

Staðsetning eignarinnar er virkilega góð á frábærum útsýnisstað í grónu hverfi í Garðabæ þaðan sem mjög stutt er í leikskóla, barnaskóla, menntaskóla, verslun og út á stofnbrautir.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is




Senda fyrirspurn vegna

Kögunarhæð 3

CAPTCHA code


Guðmundur Th. Jónsson
Lögg. fasteignasali