Brúnás 19, Garðabær
Tilboð
Einbýlishús
7 herb.
375,4 m2
Tilboð
Stofur
3
Herbergi
7
Baðherbergi
4
Svefnherbergi
4
Byggingaár
2000
Brunabótamat
110.100.000
Fasteignamat
113.250.000
Sjá allar myndir stórar Teikningar Senda á vin

Lýsing


Fasteignamarkaðurinn ehf. s: 570-4500 kynnir til sölu virkilega glæsilegt og frábærlega staðsett um 375 fermetra einbýlishús á tveimur hæðum með 3ja herbergja aukaíbúð á neðri hæð með sérinngangi við Brúnás í Garðabæ.

Eignin er öll innréttuð á afar vandaðan máta og er í góðu ástandi. Vandað parket, marmari og flísar eru á gólfum.   Mjög mikil lofthæð er á efri hæð hússins og loft klædd með innfelldri lýsingu í.  Allur dyraumbúnaður, gluggaumbúnaður og gólflistar eru úr extra háum hvítum útskornum listum.  Allt parket á eigninni er massívt niðurlímt og allar flísar eru af mjög vandaðri gerð.  Sérinnfluttur marmari er á líkamsræktarrými á neðri hæð hússins.

Á efri hæð eru forstofa, stórt sjónvarpshol með ofanbirtu, þvottaherbergi með gluggum, innréttingum og vaski, stórt eldhús með stórri borðaðstöðu, arni, fallegum innréttingum og útgengi á svalir og þaðan á stóra verönd og niður á lóð. Samliggjandi bjartar og rúmgóðar stofur með arni, svefngangur, gestasnyrting, barnaherbergi og stórt hjónaherbergi með mjög miklum skápum og sér baðherbergi innaf sem er með glugga og bæði með sturtu og baðkari.

Á neðri hæð hússins eru hol, stórt hobbyherbergi/vinnuaðstaða, stór geymsla, spa með heitum potti með nuddi og útgengi á glæsilega skjólsæla verönd, gufubað og baðherbergi.  Auk þess er á neðri hæð hússins 3ja herbergja íbúð með sérinngangi, sem skiptist í stofu, eldhús, baðherbergi með glugga, barnaherbergi og hjónaherbergi. 


Nánari lýsing:
Forstofa, með fataskápum. 
Gangur, 
Þvottaherbergi, með glugga, flísalagt og með miklum innréttingum með vaski.
Eldhús, mjög stórt, með fallegum arni og mjög stórri borðaðstöðu þaðan sem útgengi er á flísalagðar svalir til suðurs og þaðan bæði niður á stóra verönd og eins niður á neðri verönd sem einnig er mjög skjólsæl.  Innréttingar í eldhúsi eru úr ljósum viði með flísum á milli skápa.  
Sjónvarpsstofa, með ofanbirtu.
Samliggjandi stofur, bjartar og stórar með útgengi á flísalagðar svalir til suðurs og vesturs og þaðan út á lóð.
Svefngangur,
Gestasnyrting, flísalagt gólf og veggir.
Barnaherbergi, flísalagt og með lausum fataskápum.
Hjónaherbergi, mjög stórt og með mjög miklum fataskápum.
Baðherbergi, innaf hjónaherbergi er með gluggum, bæði nýtt extra stórt baðkar, flísalagður sturtuklefi, innrétting og handklæðaofn. 

Gengið er niður á neðri hæð hússins um flísalagðan steyptan stiga.
Hol, flísalagt.
Eldtraust geymsla, innaf holi.
Hobbyherbergi, stórt, flísalagt.
Geymsla, undir bílskúr er dúklögð og ekki með fullri lofthæð en er mjög stór.
Spa, er með gluggum og útgengi á lóð. Marmaralagt gólf og veggir og heitur pottur með nuddi.  
Gufubað, innaf spa.
Baðherbergi, innaf spa er með glugga og sturtu.

3ja herbergja íbúð á neðri hæð hússins, sem er bæði innangengt í og með sérinngangi, skiptist þannig:
Stofa, rúmgóð með góðum gluggum. 
Fataherbergi, með innréttingum.
Eldhús og með fallegum dökkum viðarinnréttingum, glugga, t.f. uppþvottavél og innbyggður ísskápur.
Barnaherbergi,
Baðherbergi, með glugga, flísalagt gólf og veggir, innrétting og flísalögð sturta. Tengi fyrir þvottavél og þurrkara í baðherbergi.
Hjónaherbergi, rúmgott.

Bílskúr, er tvöfaldur með einni stórri innkeyrsluhurð með rafmótor. Flísalagt gólf, miklir gluggar og góð lofthæð. Rennandi heitt og kalt vatn og milliloft er yfir hluta bílskúrs.

Húsið að utan, virðist vera í góðu ástandi.  Áláfellur eru á gluggum og vatnsbretti undir gluggum eru úr náttúrusteini.  Þakjárn, þakkantur, þakrennur og niðurföll virðast vera í góðu ástandi.

Lóðin er 780,0 fermetrar að stærð og virkilega glæsileg, fullfrágengin og með skjólsælum veröndum út af eldhúsi á efri hæð og út af líkamsræktarrými á neðri hæð. Innkeyrsla og stéttir fyrir framan hús og niður með húsinu norðanverðu eru hellulagðar og með hitalögnum undir.  Fallegur gróður er á lóð, en hún frekar viðhaldslítil.  Góðar geymslur eru við verandir á lóð, steyptar og með rafmagni. 

Staðsetning eignarinnar er mjög góð á rólegum og eftirsóttum stað.

Eignin er skráð 319,2 fermetrar að stærð skv. Fasteignaskrá Íslands, en er í raun um 3745 fermetrar þar sem að þar er ekki getið um alla fermetra á neðri hæð hússins.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is




Senda fyrirspurn vegna

Brúnás 19

CAPTCHA code


Guðmundur Th. Jónsson
Lögg. fasteignasali