Grænamýri 3, Seltjarnarnes
154.900.000 Kr.
Einbýlishús
10 herb.
354,2 m2
154.900.000
Stofur
5
Herbergi
10
Baðherbergi
3
Svefnherbergi
5
Byggingaár
1990
Brunabótamat
98.650.000
Fasteignamat
112.350.000
Sjá allar myndir stórar Teikningar Senda á vin

Lýsing


Fasteignamarkaðurinn ehf. s: 570-4500 kynnir stórglæsilegt 354,2 fermetra parhús á þremur hæðum (tengihús) á virkilega fallegri og nýlega endurnýjaðri afgirtri 472,1 fermetra lóð á eftirsóttum stað við Grænumýri á Seltjarnarnesi.   Húsið að utan, gluggar og grindverk á lóð voru máluð árið 2017.

Húsið hefur verið mjög mikið endurnýjað nýlega,  m.a. eldhúsinnrétting og tæki, bæði baðherbergi og gestasalerni, rafmagnstafla, neysluvatnslagnir og forhitari, lóð öll endurnýjuð o.fl.   Loftræstikerfi er í stórum hluta hússins, t.d. baðherbergjum, fataherbergi, geymslum og víðar. Gólfhiti er í baðherbergjum, forstofu og eldhúsi (flísalögðum rýmum).   Parket á gólfum hússins er allt gegnheilt stafaparket úr eik og er lagt í fiskibeinamynstur á miðhæð hússins.

Lýsing eignar:

Aðalhæð hússins skiptist þannig:
Komið er inn í flísalagða forstofu með gólfhita og miklum og vönduðum fataskápum á tveimur veggjum.  Gestasalerni er við forstofu, flísalagt í gólf og veggi og með vönduðum tækjum.
Hol er parketlagt.  Samliggjandi rúmgóðar og bjartar parketlagðar stofur með nýjum glæsilegum arni eftir Jón Eldon. Nýr flísalagður bekkur er við arinn.  Opnað hefur verið úr stofum í sólskála, sett þak með einangrun á hann, gólfhitalagnir lagðar og flísalagt yfir.  Borðstofa er parketlögð og björt.  Opnað hefur verið úr stofum í sólskála, settar plötur í þak, gólfhitalagnir lagðar og flísalagt yfir. Úr sólskála er útgengi á lóð.  Eldhúsið er rúmgott og með mjög fallegum hvítum sérsmíðuðum innréttingum með korean á borðum og vönduðum innbyggðum tækjum, tveimur ofnum og innbyggðri uppþvottavél frá Miele.  Góð borðaðstaða í eldhúsi með föstu matarborði úr korean og útgangur á verönd til austurs með skjólveggjum. 

Upp á efri hæð hússins er gengið um fallegan steyptan parketlagðan stiga sem nýlega var teppalagður yfir parket.
Komið er í stórt parketlagt sjónvarpshol. (mögulegt að útbúa svefnherbergi í því).  Stórt hjónaherbergi, parketlagt og með góðum nýjum sérsmíðuðum fataskápum. Úr hjónaherbergi er útgangur á svalir til austurs.  Baðherbergi er stórt, flísalagt í gólf og veggi og bæði með baðkari og stórum sturtuklefa með glerveggjum. Vandaðar innréttingar í baðherbergi með korean á borði og tveimur innfelldum vöskum.  Þvottaherbergi er flísalagt og með innréttingum. Úr þvottaherbergi er útgangur á svalir til vesturs.  Tvö rúmgóð parketlögð svefnherbergi, annað með sérsmíðuðum nýlegum fataskápum.

Niður í kjallara/jarðhæð hússins er gengið um fallegan steyptan og parketlagðan stiga sem nýlega var teppalagt yfir úr holi á 1. hæð.
Komið er í nýteppalagt hol.  Tvö stór nýteppalögð svefnherbergi með góðum gluggum.  Fataherbergi, flísalagt og með miklum fataskápum.  Baðherbergi, flísalagt í gólf og veggi, gólfhiti, stór flísalagður sturtuklefi með glervegg og vandaðar innréttingar með korean á borðum.  Tvær geymslur í kjallara. Önnur minni en hin mjög stór og með útgangi á lóð og mögulegt væri að breyta þessu rými í svefnherbergi.

Lóð hússins er öll nýlega endurnýjuð og öll afgirt.  Skjólgóð viðarverönd, sem pússuð var upp og borið á árið 2017, er næst stofu og sólskála en þaðan er svo gengið niður 4 þrep á stóra hellulagða verönd með góðri lýsingu.

Bílskúrinn er flísalagður og með verulega aukinni lofthæð.  Gluggar, göngudyr út á baklóð, rafmagn, hiti og rennandi vatn eru í bílskúr.  Innkeyrsla og stéttar framan við húsið eru með hitalögnum undir.

Húsið að utan er í góðu ástandi, hús og tréverk þess máluð sumarið 2017.  Þakefni, rennur og niðurföll eru í góðu ástandi.

Hér er um að ræða verulega vandað hús með fallegri afgirtri og skjólgóðri lóð á frábærum stað á Seltjarnarnesi.

Allar nánari upplýsingar veitir Guðmundur Th. Jónsson, lögg. fasteignasali, í síma 570-4500 eða á netfanginu gtj@fastmark.is




Senda fyrirspurn vegna

Grænamýri 3

CAPTCHA code


Guðmundur Th. Jónsson
Lögg. fasteignasali