Lýsing

Fasteignamarkaðurinn ehf. s: 570-4500 kynnir glæsilegt 238,9 fermetra einbýlishús á einni hæð með innbyggðum 37,8 fermetra bílskúr á frábærum útsýnisstað við opið svæði.

Húsið er afar vandað í alla staði. Aukin lofthæð er í öllu húsinu, allt að 3,5 metrar. Allar innréttingar og innihurðir eru úr hnotu og gólfefni eru flísar og olíuborið massívt eikarparket. Innfelld halogenlýsing í loftum og næturlýsing víða í veggjum. Stórar og fallegar rennihurðir með sandblásnum glerjum í eru úr forstofu í hol og úr holi í stofur og í eldhús. Stórar verandir með skjólveggjum bæði norðan- og sunnanmegin við húsið.

Lýsing eignar:
Forstofa: flísalögð og með góðum fataskápum.
Hol / sjónvarpsstofa: flísa- og parketlagt og með fallegum arni.
Gestasalerni: við hol, flísalagt í gólf og veggi og með vönduðum tækjum.
Samliggjandi rúmgóðar stofur: parketlagðar og með mjög fallegu útsýni til sjávar, að Esju og víðar. Úr stofum er útgangur á stóra verönd með skjólveggjum og heitum potti.
Eldhús: stórt, flísalagt og með mjög vönduðum og miklum innréttingum úr hnotu með graníti á borðum. Stór eyja með graníti á borði, áfastri borðaðstöðu, helluborði og háfi yfir. Mjög vönduð tæki í eldhúsi.
Þvottaherbergi: innaf eldhúsi, flísalagt og með innréttingum með vaski.
Geymsla: innaf þvottaherbergi, flísalögð og með skápum. Útgangur á baklóð og innangengt í bílskúr.
Svefngangur: parketlagður.
Hjónaherbergi: stórt, parketlagt og með góðum fataskápum. Útgangur á verönd með potti.
Baðherbergi: stórt og með glugga. Flísalagt í gólf og veggi, góðar innréttingar og stór mosaiklagður sturtuklefi og úr hertu gleri. Vönduð tæki.
Barnaherbergi: rúmgott, parketlagt.
Barnaherbergi: parketlagt.

Bílskúr er með epoxy á gólfi og skápum á heilum vegg. Hiti, rafmagn og rennandi vatn.

Húsið að utan er í góðu ásigkomulagi og lóðin er glæsileg, teiknuð af Stanislah Bohic, með tveimur veröndum með skjólveggjum. Heitur pottur á verönd til NA. Hiti í innkeyrslu og stéttum.

Seljendur vilja athuga með skipti á minni eign á höfuðborgarsvæðinu. Til greina kemur að skipta á rað- eða parhúsi á einni hæð eða penthouseíbúð með útsýni og stæði í bílageymslu.