Eignin er seld með fyrirvara um fjármögnun.

Fasteignamarkaðurinn ehf. s: 570-4500 kynnir til sölu virkilega fallega og vel skipulagða efri hæð og ris, samtals 143,7 fermetrar í virðulegu steinsteyptu fjórbýlishúsi á eftirsóttum stað við Bergstaðastræti í Reykjavík.

3. hæðin er 114,9 fermetrar að stærð og rishæð mælist 28,8 fermetar en er mun stærri að gólffleti.

Það sem framkæmt hefur verið í húsinu á sl árum er eftirfarandi skv. upplýsingum frá eigendum:
- Árið 2000 voru klóaklagnir undir húsi og út í götu endurnýjaðar
- Árið 2013 og 2016 var skipt um járn á þaki hússins og þakpappa
- Árið 2016 var rafmagnstafla íbúðarinnar endurnýjuð og allar raflagnir dregnar nýjar í íbúðina að hluta

Lýsing eignar:
Stigahús er marmaralagt sem og stigapallur fyrir framan íbúðina þar sem er fatahengi.
Forstofa/hol, linoleumdúklagt.
Herbergi I, innaf holi er stórt og linoleumdúklagt með gluggum í tvær áttir. Í þessu herbergi eru allar lagnir til staðar til að útbúa baðherbergi.
Stofa, stór, björt og linoleumdúklögð með fallegu útsýni og útgengi á svalir til suðurs. 
Herbergi II, innaf stofu er mjög rúmgott, linoleumdúklagt og með fallegum bogadregnum gluggum.
Eldhús, korklagt og með gluggum. Stór borðaðstaða og uppgerðar innréttingar með tengi fyrir uppþvottavél og mosaiflísum á milli skápa. 
Herbergi III, innaf stofu er stórt, linoleumdúklagt.
Baðherbergi og þvottaherbergi, með gluggum í stóru linoleumdúklögðu rými.  Baðkar með sturtuaðstöðu og flísalögn í kring.

Gengið er upp á rishæð um stiga úr eldhúsi og er risið 28,8 fermetrar að stærð skv. Fasteignaskrá, en er mun stærra að gólffleti.

Stigapallur, furugólfborð.
Herbergi IV, rúmgott og með furugólfborðum.
Herbergi V, stórt með furugólfborðum og tveimur veltigluggum, til norðurs og suðurs og nýtist vel sem svefnherbergi.
Geymsla, er innaf herbergi V, furugólfborð.

Staðsetning eignarinnar er virkilega góð á fallegum stað í miðborginni þaðan sem stutt er í skóla, leikskóla, verslanir, veitingahús og þjónustu.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu [email protected]